*ಇನ್ಸ್ಟಾಗ್ರಾಮ್ ಕ್ಯೂಟ್ ಕಪಲ್ ಕಥೆ ಅಂತ್ಯ: ಕೋಟ್ಯಾಧಿಪತಿಯನ್ನು ಮದುವೆಯಾದ ಮಹಿಳೆ ಬಸ್ ಕಂಡಕ್ಟರ್ ಜತೆ ಪರಾರಿ*
ಪ್ರಕೃತಿ ಬೆಳಗಾವಿ ಸುದ್ದಿ : ಸಾಮಾಜಿಕ ಜಾಲತಾಣಗಳಲ್ಲಿ ಯಾವಾಗ ಏನು ವೈರಲ್ ಆಗುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಸೋಷಿಯಲ್ ಮೀಡಿಯಾದಲ್ಲಿ ಸದಾ ಮುಂಚೂಣಿಯಲ್ಲಿದ್ದ ಕೇರಳದ ಜನಪ್ರಿಯ ದಂಪತಿಗಳಾದ ಅಖಿಲ್ (Akhil NRD) ಮತ್ತು ಮೇಘಾ ಕುರಿತಾದ ಒಂದು ಸುದ್ದಿ ಈಗ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಇನ್ಸ್ಟಾಗ್ರಾಮ್ನಲ್ಲಿ ಲಕ್ಷಾಂತರ ಫಾಲೋವರ್ಗಳನ್ನು ಹೊಂದಿರುವ ಈ ಕ್ಯೂಟ್ ಕಪಲ್, ತಮ್ಮ ರೀಲ್ಸ್ ಮತ್ತು ವ್ಲಾಗ್ಗಳ ಮೂಲಕ ಸಾಕಷ್ಟು ಜನಪ್ರಿಯತೆ ಗಳಿಸಿದ್ದರು. ಆದರೆ ಇವರ ಖುಷಿಯ ಮುಖವಾಡದ ಹಿಂದೆ ನಡೆದ ಘಟನೆಯೊಂದು ಈಗ ಹೊರಬಂದಿದೆ.
ಅಖಿಲ್ ಗಂಭೀರ ಆರೋಪ…
ತನ್ನ ಹೆಂಡತಿ ಮೇಘಾ, ಸ್ಥಳೀಯ ಬಸ್ ಒಂದರ ಕಂಡಕ್ಟರ್ ಜತೆ ಮನೆಯಿಂದ ಓಡಿಹೋಗಿದ್ದಾಳೆ ಎಂದು ಅಖಿಲ್ ವಿಡಿಯೋ ಮೂಲಕ ಗಂಭೀರ ಆರೋಪ ಮಾಡಿದ್ದಾರೆ. ಅಷ್ಟೇ ಅಲ್ಲದೆ, ಮನೆಯಲ್ಲಿದ್ದ ನಗದು, ಚಿನ್ನಾಭರಣ ಹಾಗೂ ಬೆಲೆಬಾಳುವ ವಸ್ತುಗಳನ್ನು ಸಹ ಆಕೆ ತನ್ನೊಂದಿಗೆ ತೆಗೆದುಕೊಂಡು ಹೋಗಿದ್ದಾಳೆ ಎಂದು ಅಖಿಲ್ ಕಣ್ಣೀರು ಹಾಕಿದ್ದಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಮತ್ತು ಅಭಿಮಾನಿಗಳು ಶಾಕ್ ಆಗಿದ್ದಾರೆ. ಮೇಲ್ನೋಟಕ್ಕೆ ತುಂಬಾನೇ ಖುಷಿಯಾಗಿ ಕಾಣುತ್ತಿದ್ದ ಇವರ ಜೀವನದಲ್ಲಿ ಇಂತಹದೊಂದು ದೊಡ್ಡ ಬಿರುಗಾಳಿ ಏಳಬಹುದೇ ಎಂದು ಆಶ್ಚರ್ಯ ವ್ಯಕ್ತಪಡಿಸುತ್ತಿದ್ದಾರೆ. ತಾನು ತೀವ್ರ ಮಾನಸಿಕ ವೇದನೆ ಅನುಭವಿಸುತ್ತಿರುವುದಾಗಿಯೂ ಅಖಿಲ್ ವಿಡಿಯೋದಲ್ಲಿ ತಿಳಿಸಿದ್ದಾರೆ.
ಮೇಘಾ ಕಡೆಯಿಂದ ಸ್ಪಷ್ಟನೆ ಬಾಕಿ…
ಈ ಸಂಪೂರ್ಣ ವಿವಾದದ ಬಗ್ಗೆ ಮೇಘಾ ಕಡೆಯಿಂದ ಇದುವರೆಗೆ ಯಾವುದೇ ಅಧಿಕೃತ ಪ್ರತಿಕ್ರಿಯೆ ಬಂದಿಲ್ಲ. ಆಕೆಯ ವಾದವೇನು ಅಥವಾ ಅಸಲಿಗೆ ಅಲ್ಲಿ ನಡೆದಿದ್ದೇನು ಎಂಬ ಬಗ್ಗೆ ಇನ್ನು ಸ್ಪಷ್ಟತೆ ಸಿಗಬೇಕಿದೆ. ಸಾಮಾಜಿಕ ಜಾಲತಾಣದಲ್ಲಿ ಕಾಣುವ ಪ್ರತಿಯೊಂದು ನಗುವೂ ನಿಜವಾದ ಸಂತೋಷವಲ್ಲ ಮತ್ತು ಪ್ರತಿಯೊಂದು ಸಂಬಂಧವೂ ಮೇಲ್ನೋಟಕ್ಕೆ ಕಾಣುವಷ್ಟು ಪರಿಪೂರ್ಣವಾಗಿರುವುದಿಲ್ಲ ಎಂಬ ಚರ್ಚೆ ಈಗ ಜೋರಾಗಿದೆ.
ಅಖಿಲ್ ಮಾಡಿರುವ ಆರೋಪಗಳು ಮಾತ್ರ ಸದ್ಯಕ್ಕೆ ವೈರಲ್ ಆಗುತ್ತಿದ್ದು, ಮೇಘಾ ಪ್ರತಿಕ್ರಿಯೆ ಹಾಗೂ ಅಧಿಕೃತ ವಿವರಗಳು ಹೊರಬಂದ ಬಳಿಕವಷ್ಟೇ ಅಸಲಿ ಸತ್ಯ ಏನೆಂಬುದು ತಿಳಿಯಲಿದೆ. ಸೋಶಿಯಲ್ ಮೀಡಿಯಾ ಪ್ರಪಂಚಕ್ಕೂ ಹಾಗೂ ನೈಜ ಜೀವನಕ್ಕೂ ಎಷ್ಟು ವ್ಯತ್ಯಾಸವಿದೆ ಎಂಬುದಕ್ಕೆ ಈ ಘಟನೆ ಮತ್ತೊಂದು ಉದಾಹರಣೆಯಾಗಿ ನಿಂತಿದೆ.***************************************
