*ಅಡರಕಟ್ಟಿ ಗ್ರಾ.ಪಂ. ವ್ಯಾಪ್ತಿಯಲ್ಲಿ ಜನಗಣತಿ ಕಾರ್ಯ: ನಿಖರ ಮಾಹಿತಿ ಸಂಗ್ರಹಕ್ಕೆ ಜಿ.ಎಸ್. ಜಗಲಿ ಸೂಚನೆ*

ಪ್ರಕೃತಿ ಬೆಳಗಾವಿ ಸುದ್ದಿ : ಅಡರಕಟ್ಟಿ : ಜನಗಣತಿ ಕಾರ್ಯವು ರಾಷ್ಟ್ರದ ಅಭಿವೃದ್ಧಿಗೆ ಪೂರಕವಾದ ಪ್ರಮುಖ ದಾಖಲೆಯಾಗಿದ್ದು, ಗಣತಿದಾರರು ಯಾವುದೇ ಲೋಪದೋಷಗಳಿಲ್ಲದಂತೆ ಅತ್ಯಂತ ನಿಖರವಾಗಿ ಮಾಹಿತಿ ದಾಖಲಿಸಬೇಕು ಎಂದು ಅಡರಕಟ್ಟಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಗಣತಿ ಮೇಲ್ವಿಚಾರಕರಾದ ಶ್ರೀಮತಿ ಜಿ.ಎಸ್. ಜಗಲಿ ಅವರು ತಿಳಿಸಿದರು.

​ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಹಮ್ಮಿಕೊಳ್ಳಲಾಗಿದ್ದ ಗಣತಿ ಕಾರ್ಯದ ಮಾರ್ಗದರ್ಶನ ಸಭೆಯಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು. ಈ ಸಂದರ್ಭದಲ್ಲಿ ಗಣತಿ ಕಾರ್ಯದ ವಿವಿಧ ಹಂತಗಳ ಬಗ್ಗೆ ಅವರು ಕುಲಂಕುಶವಾಗಿ ವಿವರಿಸಿದರು.

​ಗಮನಿಸಬೇಕಾದ ಪ್ರಮುಖ ಅಂಶಗಳು:

​ಗಣತಿದಾರರು ಮನೆಗಳಿಗೆ ಭೇಟಿ ನೀಡಿದಾಗ ಈ ಕೆಳಗಿನ ಮಾಹಿತಿಯನ್ನು ಕಡ್ಡಾಯವಾಗಿ ಪರಿಶೀಲಿಸಿ ದಾಖಲಿಸುವಂತೆ ಅವರು ಸೂಚಿಸಿದರು:

​ಕಟ್ಟಡ ಹಾಗೂ ನಿವಾಸದ ವಿವರ: ಸಾಲಿನ ಸಂಖ್ಯೆ, ಕಟ್ಟಡದ ಸಂಖ್ಯೆ ಮತ್ತು ಜನಗಣತಿ ಮನೆ ಸಂಖ್ಯೆಯನ್ನು ನಿಖರವಾಗಿ ಗುರುತಿಸುವುದು.

​ನಿರ್ಮಾಣ ಸಾಮಗ್ರಿ : ಮನೆಯ ನೆಲ, ಗೋಡೆ ಮತ್ತು ಮೇಲ್ಚಾವಣಿಗೆ ಬಳಸಲಾಗಿರುವ ಪ್ರಧಾನ ಸಾಮಗ್ರಿಗಳ ಬಗ್ಗೆ ಮಾಹಿತಿ ಪಡೆಯುವುದು.

​ಬಳಕೆಯ ಉದ್ದೇಶ: ಜನಗಣತಿ ಮನೆಯನ್ನು ವಾಸಕ್ಕೆ ಅಥವಾ ಇತರೆ ಯಾವ ಉದ್ದೇಶಕ್ಕಾಗಿ ಬಳಸಲಾಗುತ್ತಿದೆ ಹಾಗೂ ಮನೆಯ ಈಗಿನ ಸ್ಥಿತಿಗತಿಯನ್ನು ದಾಖಲಿಸುವುದು.

​ಕುಟುಂಬದ ವಿವರ : ಕುಟುಂಬದ ಸದಸ್ಯರ ಸಂಖ್ಯೆ, ಕುಟುಂಬ ಮುಖ್ಯಸ್ಥರ ಹೆಸರು, ಲಿಂಗ ಮತ್ತು ಜಾತಿ (ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಅಥವಾ ಇತರೆ) ವಿವರಗಳನ್ನು ಸಂಗ್ರಹಿಸುವುದು.

​ಸೌಲಭ್ಯಗಳ ಲಭ್ಯತೆ : ಕುಡಿಯುವ ನೀರಿನ ಮೂಲ, ಬೆಳಕಿನ ವ್ಯವಸ್ಥೆ, ಶೌಚಾಲಯದ ಲಭ್ಯತೆ, ವಾಸದ ಕೊಠಡಿಗಳ ಸಂಖ್ಯೆ ಹಾಗೂ ಕುಟುಂಬದಲ್ಲಿರುವ ವಿವಾಹಿತ ದಂಪತಿಗಳ ವಿವರಗಳನ್ನು ಪಡೆಯುವುದು.

​”ಪ್ರತಿ ಗಣತಿದಾರರು ಇಲಾಖೆ ನೀಡಿರುವ ಕೈಪಿಡಿಯನ್ನು (Manual) ಸರಿಯಾಗಿ ಅಭ್ಯಸಿಸಬೇಕು. ಯಾವುದೇ ಒಂದು ಮಾಹಿತಿ ಬಿಟ್ಟು ಹೋಗದಂತೆ ಎಚ್ಚರಿಕೆ ವಹಿಸುವುದು ನಿಮ್ಮ ಜವಾಬ್ದಾರಿ,” ಎಂದು ಅವರು ಮಾರ್ಗದರ್ಶನ ನೀಡಿದರು.

​ಉಪಸ್ಥಿತಿ:

ಈ ಸಂದರ್ಭದಲ್ಲಿ ಎಂ.ಎಸ್. ಹಿರೇಮಠ, ಪರಮೇಶ ಕಾಳಶೆಟ್ಟಿ, ಶ್ರೀಮತಿ ಸುನಂದಾ ಹಿರೇಮಠ, ಶ್ರೀಮತಿ ಲತಾ ಹಿರೇಮಠ, ಡಿ.ಡಿ. ಲಮಾಣಿ, ಎನ್.ಎನ್. ಶಿಗ್ಲಿ ಹಾಗೂ ಶ್ರೀಮತಿ ಎಸ್.ಎಂ. ಕೌಜಗೇರಿ ಸೇರಿದಂತೆ ಹಲವು ಗುರುಮಾತೆಯರು ಮತ್ತು ಗಣತಿ ಸಿಬ್ಬಂದಿಗಳು ಹಾಜರಿದ್ದರು.********************************